《斜槓人生》
曾經，我係一個好簡單嘅人，讀書個陣為咗買部PS2，返咗份Partime，係中環西餐廳做待應，好記得係30蚊一個鐘，然後每日四個鐘做晚市，後來大學個陣賣唱片，有35蚊一個鐘，仲唔需要搬野，賺咗就同女朋友去玩。
出嚟做野，第一份工遇上金融海嘯，6000蚊試用期，三個月後先回復到一萬銀，當時都無諗咁多，有野做都算係好喇。
慢慢做，加人工，但賺多洗多，然後結婚一筆清晒，結完婚搬出嚟住，開支又大咗，如果俾返當年10000蚊的話就連生活都成問題，但剛剛遇著屋企人病，突然開銷大咗好多，只係睇人工嘅話，真係無計可施，分分鐘去借財仔……
亦好好彩，之前因為一時興起寫文，認識咗大家，亦有唔少朋友支持我出書，所以都叫有一時嘅額外收入幫到手。
另一個作者藍橘子佢一直都有自己出書同賣書，佢知道我情況就介紹咗掌鋪俾我，佢一直都係呢個平台賣書，除咗簡單快捷之外，仲可以減少好多收錢俾錢嘅問題，落單亦變得有系統，我當初以為要每個人入數再比我對單，我對地址然後寄出。
原來依家網上商店可以咁簡單，用二十分鐘唔夠就可以開到一間網店。
早排好興一個詞叫斜槓，即係你一個人可以有好多身份，你可能係打工，同時寫野，亦可以再開網店，幫人補習，做uber eat等等……
當初聽到我覺得好可悲，點解呢個香港打一份工係會令人膽顫心驚？一有乜事就站唔住陣腳，問題我問咗，但面對呢個政府，我終於明呢個唔係可悲，而係一種妥協，一種後現代獅子山精神，我都唔想做咁多野，我都係可以返工放工安安樂樂，但呢個城市唔容許，一個意外就會令你生活變得一無所有。
斜槓，好天收埋落雨柴，我亦聽過好多人斜斜下搵出一條新道路，原來自己係另一方面更有熱情更有心得。
真心推薦掌鋪俾大家，而我嘅新書亦已經係掌鋪上架，希望大家多多支持。
https://maydreaming.boutir.com/i/WDnmnPAAA?fbclid=IwAR30rv-ci4CGwFwOR_IHG_ue_gL3HCl4y_zJ0SQSdqMK72nd8AtYhEZD_mg#.Xktj7Ndt_v8.facebook
比起當年我返Partime，依家每一個人都可以係網上開店去賺取一筆額外收入，如果各位朋友有興趣，可以係以下連結查詢：https://m.me/boutir.hk
Search